e-kutubxona

SO'NGI YANGILIKLAR

2-son Namangan Abu Ali Ibn Sino nomidagi jamoat salomatligi texnikumida talabalar orasida atrof muhitni muhofaza qilish, tabiatni asrash va ta'lim dargohimizni ozodaligini ta'minlashni targ'ib qilish maqsadida kichik bir ijtimoiy eksperiment o'tkazdik. Kuzatuv kameralari yordamida zinapoyada tushirib qoldirilgan chiqindiga befarq bo'lmagan o'quvchimiz garchi yo'li boshqa tomonda bo'lsa ham chiqindini o'zi bilan olib ketib, ta'lim dargohimiz ozodaligiga o'z hissasini qo'shgani e'tiborimizni tortdi. Hamshiralik ishi 2-guruh talabasi Dadaxonova Rayxonaga ushbu na'munali xulqi uchun texnikum rahbariyati tomonidan tashakkurnoma va esdalik sovg'alari topshirildi. Darhaqiqat, ta'lim dargohimiz barchamizniki! Uning ozodaligiga barchamiz ma'sulmiz!

2-son Namangan Abu Ali ibn Sino nomidagi jamoat salomatligi texnikumida o`quvchi yoshlarni darsdan bo`sh vaqtlarini yanada samarali o`tkazish, ularni sog`lom turmush tarzi va sportga bo`lgan qiziqishlarini yanada kuchaytirish maqsadida texnikum hovlisida Shaxmat-shashka, stol tennisi kabi sport o`yinlari tashkil etildi.

O`quvchi yoshlar o`rtasida adabiyot, san`at va kitobxonlikga bo`lgan qiziqishlarini yanada oshirish, o`quvchi qizlarning ilmiy va ijodiy salohiyatini yanada kuchaytirish, jinoyatchilikga qarshi kurashish hamda yoshlarni bo`sh vaqtlarini yanada samarali o`tkazish maqsadida, 2-son Namangan Abu Ali ibn Sino nomidagi jamoat salomatligi texnikumida joriy yilning 26-mart sanasida texnikumning 1-bosqich talabalari o`rtasida guruhlararo “Balli qizlar” ko`rik tanlovi o`tkazildi. Ushbu ko`rik tanlovda qizlar 4 ta shart bo`yicha o`zaro bellashdilar. Qizg`in va ko`tarinki kayfiyatda o`tgan tanlov davomida hakamlar hay`ati tomonidan Hamshiralik ishi 4-guruh talabasi birinchi o`ringa loyiq deb topildi. Ishtirokchilarga texnikum ma`muriyati tomonidan esdalik sovg`alari va tashakkurnomalar topshirildi. Shuningdek, ishtirokchi guruhlar turli nominatsiyalar g`olibi deb e`lon qilindi.

O‘zbekiston Respublikasi Raqobatni rivojlantirish va iste’molchilar huquqlarini himoya qilish qo‘mitasi Namangan viloyati hududiy boshqarmasi bilan hamkorlikda 2-son Namangan Abu Ali ibn Sino nomidagi jamoat salomatligi texnikumi o‘qituvchilari va o‘quvchilari o‘rtasida “15-mart Butunjahon iste’molchilar huquqlari kuni”ga bag‘ishlab tashkil etilgan “Iste’molchiar huquqlarini himoya qilish: muammo va yechimlari” mavzusida targ‘ibot uchrashuvi bo`lib o`tdi.

2-son Namangan Abu Ali ibn Sino nomidagi jamoat salomatligi texnikumi o`quv binosi zaliga zamonaviy QR kodli elektron kutubxona burchagi tashkil etildi. Bu QR kodlarni smartfon kamerasi orqali skaner qilinganda elektron kitoblarni o`qish va yuklab olish mumkin bo`ladi. Ilmiy va badiiy kitoblardan tashkil topgan QR kutubxona bazasini kengaytirish va yanada takomillashtirish bo`yicha ta`lim muassasasi direktori E.T. Madxalikov tomonidan berilgan taklif va ko'rsatmalar yordamida kelgusida "Jadidlar burchagi" tashkil etish rejaga kiritilgan. Bunda QR kod orqali o`quvchilar allomalar haqidagi audio va video darslarni tomosho qilishlari mumkin bo`ladi.

Bundan ko'zlangan maqsad, o`quvchi va o`qituvchilarning darsdan tashqari vaqtlarini yanada samarali o`tkazish, Raqamli texnologiyalarni ta`lim tizimiga joriy etish va o`quvchi yoshlar orasida kitobxonlikni targ'ib etishdan iborat!.

Viloyat rahbari «Monomarkaz»dan keyin Namangan shahridagi 2-son Abu Ali ibn Sino nomidagi jamoat salomatligi texnikumida bo'lib, nemis tili bo'yicha 1 yillik bepul o'quv kurslari faoliyati bilan tanishdi.

Mazkur dargohda Germaniya davlatida ishlashga qiziqishi yuqori bo'lgan tibbiyot texnikumi o'quvchilari uchun nemis tilidan qo'shimcha kurslar tashkil etilgan bo'lib, unda 2 ta ta'lim muassasasidan jami 45 nafar yigit-qizlar 3 ta guruhga bo'lingan holda Olmon tili haqida bilim va ko'nikmalarini oshirib kelmoqdalar.

2-son Namangan Abu Ali ibn Sino nomidagi jamoat salomatligi texnikumida "Yangi yil bayrami munosabati bilan joriy yilning 16 - 23 - dekabr kunlari o‘tkaziladigan bayram tadbirlari" dasturi rejalariga asosan talim muassasasida 23-dekabr sanasida “Yangi yilga yangi orzular bilan” deb nomlangan bayram tadbiri otkazildi. Texnikum direktori E.T.Madxalikov talabalarga samimiy tilaklari va bayram tabrigi bilan tadbirni ochib berdi. Tadbir davomida “Tibbiy ijtimoiy ish” va “Feldsherlik ishi” yo’nalishi talabalari tomonidan tayyorlangan badiiy va hajviy sahna ko`rinishlari tomoshabinlar va mehmonlarga manzur bo’ldi. Tadbir so`ngida talim muassasasining namunali xulqi va a`lo baholarga tahsil olib, tengqurlariga o’rnak bo’layotgan o’quvchilarga faxriy yorliqlar topshirildi.

2-Son Namangan Abu Ali ibn Sino nomidagi jamoat salomatligi texnikumida joriy yilning 6-dekabr sanasida talabalar o'rtasida O'zbekiston Respublikasi Konstitutsiyasi kuniga bag'ishlangan tadbir o'tkazildi. "Hamshiralik ishi", "Feldsherlik ishi" va "Funksional diagnostika ishi" yo’nalishlari terma jamoalari o’rtasida o’tgan ushbu tanlovda hamshiralik ishi yo’nalishining “Senatorlar” jamoasi g’olib deb topildi. G’olib jamoalarga esdalik sovg’alar topshirildi. Ushbu tadbir davomida jamoalar tomonidan tayyorlangan sahna ko’rinishlari va badiiy chiqishlari hakamlar hay’ati tomonidan hamda tomoshabinlar tomonidan olqish va e’tiroflariga sazovor bo’ldi. Tadbirga Yangi Namangan tumani ichki ishlar bo’limi hodimlari mehmon bo'lishdi.

O`zbekiston Respublikasi Prezidentining 2023-yil 12-maydagi PF-70-son Farmoni ilovasi bilan tasdiqlangan “Inson huquqlari umumjahon deklaratsiyasi qabul qilinganligining 75 yilligiga bag’ishlangan tadbirlar dasturi” 17-bandiga muvofiq, “10-dekabr-Xalqaro inson huquqlari” kuni munosabati bilan 2-son Namangan Abu Ali Ibn Sino nomidagi jamoat salomatligi texnikumida joriy yilning 2-dekabr sanasida “Yangi O’zbekiston-inson huquqlari” umummilliy darslari o’tkazildi. Ushbu bajarilgan ishlar yuzasidan axborot texnikumning rasmiy web sayti va ijtimoiy tarmoqlardagi rasmiy sahifalarida yoritildi.

2-son Namangan Abu Ali Ibn Sino nomidagi jamoat salomatligi texnikumida joriy yilning 1-dekabr sanasida OIV infeksiyasini oldini olish, hodimlar va o’quvchilar bilimini oshirish hamda, SSVning 111-sonli va 270-sonli buyruqlarini kengroq tanishtirish uchun, texnikumda “Biz OITSga qarshimiz” shiori ostida davra suhbati bo’lib o’tdi. Viloyat OITSga qarshi kurashish markazi mutaxassislari - Raxmonov Baxromjon, Xasanov Dilmurod, Isaqov Doniyorlar texnikumga tashrif buyurishdi. OITS markazi vrach-epidemiologi Xasanov Dilmurodjon so’zga chiqib, OITS haqida umumiy ma’lumotlar jumladan, uning yuqish yo’llari, saqlanish va davolanish chora-tadbirlari haqida o’quvchilarga aytib o’tdi. Shuningdek, viloyat OITSga qarshi kurash markazi hodimlari tomonidan talabalarga OITS haqida asosiy ma`lumotlar tushirilgan flayerlar ulashishdi. Texnikum hududiga OITSdan saqlanishni targ’ib etuvchi plakatlar yopishtirildi. Davra suhbatida ishritok etgan 1-kurs talabalari o’zlarini qiziqtirgan savollariga soha mutaxassislaridan javob olishdi.

Пн	Вт	Ср	Чт	Пт	Сб	Вс
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31